| (derived from B. Sujato 2018/12) | |
Aṅguttara Nikāya 3 |
Numbered Discourses 3 |
2. Rathakāravagga |
2. The Chariot-maker |
11. Ñātasutta |
11. Well-known |
“Tīhi, bhikkhave, dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ. |
“monks, a well-known monk who has three qualities is acting for the hurt and unhappiness of the people, for the harm, hurt, and suffering of gods and humans. |
Katamehi tīhi? |
What three? |
Ananulomike kāyakamme samādapeti, ananulomike vacīkamme samādapeti, ananulomikesu dhammesu samādapeti. |
They encourage deeds of body and speech, as well as principles, that don’t reinforce good qualities. |
Imehi kho, bhikkhave, tīhi dhammehi samannāgato ñāto bhikkhu bahujanaahitāya paṭipanno hoti bahujanadukkhāya, bahuno janassa anatthāya ahitāya dukkhāya devamanussānaṃ. |
A well-known monk who has these three qualities is acting for the hurt and unhappiness of the people, for the harm, hurt, and suffering of gods and humans. |
Tīhi, bhikkhave, dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussānaṃ. |
A well-known monk who has three qualities is acting for the welfare and happiness of the people, for the benefit, welfare, and happiness of gods and humans. |
Katamehi tīhi? |
What three? |
Anulomike kāyakamme samādapeti, anulomike vacīkamme samādapeti, anulomikesu dhammesu samādapeti. |
They encourage deeds of body and speech, as well as principles, that reinforce good qualities. |
Imehi kho, bhikkhave, tīhi dhammehi samannāgato ñāto bhikkhu bahujanahitāya paṭipanno hoti bahujanasukhāya, bahuno janassa atthāya hitāya sukhāya devamanussānan”ti. |
A well-known monk who has these three qualities is acting for the welfare and happiness of the people, for the benefit, welfare, and happiness of gods and humans.” |
12. Sāraṇīyasutta |
12. Commemoration |
“Tīṇimāni, bhikkhave, rañño khattiyassa muddhāvasittassa yāvajīvaṃ sāraṇīyāni bhavanti. |
“An anointed king should commemorate three places as long as he lives. |
Katamāni tīṇi? |
What three? |
Yasmiṃ, bhikkhave, padese rājā khattiyo muddhāvasitto jāto hoti. |
The place he was born. |
Idaṃ, bhikkhave, paṭhamaṃ rañño khattiyassa muddhāvasittassa yāvajīvaṃ sāraṇīyaṃ hoti. |
This is the first place. |
Puna caparaṃ, bhikkhave, yasmiṃ padese rājā khattiyo muddhāvasitto hoti. |
The place he was anointed as king. |
Idaṃ, bhikkhave, dutiyaṃ rañño khattiyassa muddhāvasittassa yāvajīvaṃ sāraṇīyaṃ hoti. |
This is the second place. |
Puna caparaṃ, bhikkhave, yasmiṃ padese rājā khattiyo muddhāvasitto saṅgāmaṃ abhivijinitvā vijitasaṅgāmo tameva saṅgāmasīsaṃ ajjhāvasati. |
The place where he won victory in battle, establishing himself as foremost in battle. |
Idaṃ, bhikkhave, tatiyaṃ rañño khattiyassa muddhāvasittassa yāvajīvaṃ sāraṇīyaṃ hoti. |
This is the third place. |
Imāni kho, bhikkhave, tīṇi rañño khattiyassa muddhāvasittassa yāvajīvaṃ sāraṇīyāni bhavanti. |
These are the three places an anointed king should commemorate as long as he lives. |
Evamevaṃ kho, bhikkhave, tīṇimāni bhikkhussa yāvajīvaṃ sāraṇīyāni bhavanti. |
In the same way, a monk should commemorate three places as long as they live. |
Katamāni tīṇi? |
What three? |
Yasmiṃ, bhikkhave, padese bhikkhu kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito hoti. |
The place where the monk shaved off their hair and beard, dressed in ocher robes, and went forth from the lay life to homelessness. |
Idaṃ, bhikkhave, paṭhamaṃ bhikkhussa yāvajīvaṃ sāraṇīyaṃ hoti. |
This is the first place. |
Puna caparaṃ, bhikkhave, yasmiṃ padese bhikkhu ‘idaṃ dukkhan’ti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. |
The place where the monk truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. |
Idaṃ, bhikkhave, dutiyaṃ bhikkhussa yāvajīvaṃ sāraṇīyaṃ hoti. |
This is the second place. |
Puna caparaṃ, bhikkhave, yasmiṃ padese bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. |
The place where the monk realizes the undefiled freedom of heart and freedom by wisdom in this very life. And they live having realized it with their own insight due to the ending of defilements. |
Idaṃ, bhikkhave, tatiyaṃ bhikkhussa yāvajīvaṃ sāraṇīyaṃ hoti. |
This is the third place. |
Imāni kho, bhikkhave, tīṇi bhikkhussa yāvajīvaṃ sāraṇīyāni bhavantī”ti. |
These are the three places a monk should commemorate as long as they live.” |
13. Āsaṃsasutta |
13. Hopes |
“Tayome, bhikkhave, puggalā santo saṃvijjamānā lokasmiṃ. |
“These three kinds of people are found in the world. |
Katame tayo? |
What three? |
Nirāso, āsaṃso, vigatāso. |
The hopeless, the hopeful, and the one who has done away with hope. |
Katamo ca, bhikkhave puggalo nirāso? |
And what, monks, is a hopeless person? |
Idha, bhikkhave, ekacco puggalo nīce kule paccājāto hoti, caṇḍālakule vā venakule vā nesādakule vā rathakārakule vā pukkusakule vā dalidde appannapānabhojane kasiravuttike, yattha kasirena ghāsacchādo labbhati. |
It’s when some person is reborn in a low family—a family of outcastes, bamboo-workers, hunters, chariot-makers, or waste-collectors—poor, with little to eat or drink, where life is tough, and food and shelter are hard to find. |
So ca hoti dubbaṇṇo duddasiko okoṭimako bavhābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa. |
And they’re ugly, unsightly, deformed, chronically ill—one-eyed, crippled, lame, or half-paralyzed. They don’t get to have food, drink, clothes, and vehicles; garlands, fragrances, and makeup; or bed, house, and lighting. |
So suṇāti: |
They hear this: |
‘itthannāmo kira khattiyo khattiyehi khattiyābhisekena abhisitto’ti. |
‘They say the aristocrats have anointed the aristocrat named so-and-so as king.’ |
Tassa na evaṃ hoti: |
It never occurs to them: |
‘kudāssu nāma mampi khattiyā khattiyābhisekena abhisiñcissantī’ti. |
‘Oh, when will the aristocrats anoint me too as king?’ |
Ayaṃ vuccati, bhikkhave, puggalo nirāso. |
This is called a hopeless person. |
Katamo ca, bhikkhave, puggalo āsaṃso? |
And what, monks, is a hopeful person? |
Idha, bhikkhave, rañño khattiyassa muddhāvasittassa jeṭṭho putto hoti ābhiseko anabhisitto acalappatto. |
It’s when some person is the eldest son of an anointed king. He has not yet been anointed, but is eligible, and has been confirmed in the succession. |
So suṇāti: |
He hears this: |
‘itthannāmo kira khattiyo khattiyehi khattiyābhisekena abhisitto’ti. |
‘They say that the aristocrats have anointed the aristocrat named so-and-so as king.’ |
Tassa evaṃ hoti: |
It occurs to him: |
‘kudāssu nāma mampi khattiyā khattiyābhisekena abhisiñcissantī’ti. |
‘Oh, when will the aristocrats anoint me too as king?’ |
Ayaṃ vuccati, bhikkhave, puggalo āsaṃso. |
This is called a hopeful person. |
Katamo ca, bhikkhave, puggalo vigatāso? |
And what, monks, is a person who has done away with hope? |
Idha, bhikkhave, rājā hoti khattiyo muddhāvasitto. |
It’s when a king has been anointed. |
So suṇāti: |
He hears this: |
‘itthannāmo kira khattiyo khattiyehi khattiyābhisekena abhisitto’ti. |
‘They say that the aristocrats have anointed the aristocrat named so-and-so as king.’ |
Tassa na evaṃ hoti: |
It never occurs to him: |
‘kudāssu nāma mampi khattiyā khattiyābhisekena abhisiñcissantī’ti. |
‘Oh, when will the aristocrats anoint me too as king?’ |
Taṃ kissa hetu? |
Why is that? |
Yā hissa, bhikkhave, pubbe anabhisittassa abhisekāsā sā paṭippassaddhā. |
Because the former hope he had to be anointed has now died down. |
Ayaṃ vuccati, bhikkhave, puggalo vigatāso. |
This is called a person who has done away with hope. |
Ime kho, bhikkhave, tayo puggalā santo saṃvijjamānā lokasmiṃ. |
These are the three kinds of people found in the world. |
Evamevaṃ kho, bhikkhave, tayo puggalā santo saṃvijjamānā bhikkhūsu. |
In the same way, these three kinds of people are found among the monks. |
Katame tayo? |
What three? |
Nirāso, āsaṃso, vigatāso. |
The hopeless, the hopeful, and the one who has done away with hope. |
Katamo ca, bhikkhave, puggalo nirāso? |
And what, monks, is a hopeless person? |
Idha, bhikkhave, ekacco puggalo dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto. |
It’s when some person is unethical, of bad qualities, filthy, with suspicious behavior, underhand, no true ascetic or spiritual practitioner—though claiming to be one—rotten inside, corrupt, and depraved. |
So suṇāti: |
They hear this: |
‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. |
‘They say that the monk named so-and-so has realized the undefiled freedom of heart and freedom by wisdom in this very life. And they live having realized it with their own insight due to the ending of defilements.’ |
Tassa na evaṃ hoti: |
It never occurs to them: |
‘kudāssu nāma ahampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’ti. |
‘Oh, when will I too realize the undefiled freedom of heart and freedom by wisdom in this very life, and live having realized it with my own insight due to the ending of defilements.’ |
Ayaṃ vuccati, bhikkhave, puggalo nirāso. |
This is called a hopeless person. |
Katamo ca, bhikkhave, puggalo āsaṃso? |
And what, monks, is a hopeful person? |
Idha, bhikkhave, bhikkhu sīlavā hoti kalyāṇadhammo. |
It’s when a monk is ethical, of good character. |
So suṇāti: |
They hear this: |
‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. |
‘They say that the monk named so-and-so has realized the undefiled freedom of heart and freedom by wisdom in this very life. And they live having realized it with their own insight due to the ending of defilements.’ |
Tassa evaṃ hoti: |
It occurs to them: |
‘kudāssu nāma ahampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’ti. |
‘Oh, when will I too realize the undefiled freedom of heart and freedom by wisdom in this very life, and live having realized it with my own insight due to the ending of defilements.’ |
Ayaṃ vuccati, bhikkhave, puggalo āsaṃso. |
This is called a hopeful person. |
Katamo ca, bhikkhave, puggalo vigatāso? |
And what, monks, is a person who has done away with hope? |
Idha, bhikkhave, bhikkhu arahaṃ hoti khīṇāsavo. |
It’s when a monk is a perfected one, who has ended all defilements. |
So suṇāti: |
They hear this: |
‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. |
‘They say that the monk named so-and-so has realized the undefiled freedom of heart and freedom by wisdom in this very life. And they live having realized it with their own insight due to the ending of defilements.’ |
Tassa na evaṃ hoti: |
It never occurs to them: |
‘kudāssu nāma ahampi āsavānaṃ khayā … pe … sacchikatvā upasampajja viharissāmī’ti. |
‘Oh, when will I too realize the undefiled freedom of heart and freedom by wisdom in this very life, and live having realized it with my own insight due to the ending of defilements.’ |
Taṃ kissa hetu? |
Why is that? |
Yā hissa, bhikkhave, pubbe avimuttassa vimuttāsā sā paṭippassaddhā. |
Because the former hope he had to be freed has now died down. |
Ayaṃ vuccati, bhikkhave, puggalo vigatāso. |
This is called a person who has done away with hope. |
Ime kho, bhikkhave, tayo puggalā santo saṃvijjamānā bhikkhūsū”ti. |
These are the three people found among the monks.” |
14. Cakkavattisutta |
14. The Wheel-turning Monarch |
“Yopi so, bhikkhave, rājā cakkavattī dhammiko dhammarājā sopi na arājakaṃ cakkaṃ vattetī”ti. |
“monks, even a wheel-turning monarch, a just and principled king, does not wield power without having their own king.” |
Evaṃ vutte, aññataro bhikkhu bhagavantaṃ etadavoca: |
When he said this, one of the monks asked the Buddha: |
“ko pana, bhante, rañño cakkavattissa dhammikassa dhammarañño rājā”ti? |
“But who is the king of the wheel-turning monarch, the just and principled king?” |
“Dhammo, bhikkhū”ti bhagavā avoca: |
“It is principle, monk,” said the Buddha. |
“idha, bhikkhu, rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati antojanasmiṃ. |
“Monk, a wheel-turning monarch provides just protection and security for his court, relying only on principle—honoring, respecting, and venerating principle, having principle as his flag, banner, and authority. |
Puna caparaṃ, bhikkhu, rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati khattiyesu, anuyantesu, balakāyasmiṃ, brāhmaṇagahapatikesu, negamajānapadesu, samaṇabrāhmaṇesu, migapakkhīsu. |
He provides just protection and security for his aristocrats, vassals, troops, brahmins and householders, people of town and country, ascetics and brahmins, beasts and birds. |
Sa kho so bhikkhu rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā antojanasmiṃ, dhammikaṃ rakkhāvaraṇaguttiṃ saṃvidahitvā khattiyesu … pe … anuyantesu, balakāyasmiṃ, brāhmaṇagahapatikesu, negamajānapadesu, samaṇabrāhmaṇesu, migapakkhīsu, dhammeneva cakkaṃ vatteti. |
When he has done this, he wields power only in a principled manner. |
Taṃ hoti cakkaṃ appaṭivattiyaṃ kenaci manussabhūtena paccatthikena pāṇinā. |
And this power cannot be undermined by any human enemy. |
Evamevaṃ kho, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati kāyakammasmiṃ: |
In the same way, monk, a Realized One, a perfected one, a fully awakened Buddha, a just and principled king, provides just protection and security regarding bodily actions, relying only on principle—honoring, respecting, and venerating principle, having principle as his flag, banner, and authority. |
‘evarūpaṃ kāyakammaṃ sevitabbaṃ, evarūpaṃ kāyakammaṃ na sevitabban’ti. |
‘This kind of bodily action should be cultivated. This kind of bodily action should not be cultivated.’ |
Puna caparaṃ, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati vacīkammasmiṃ: |
Furthermore, a Realized One … provides just protection and security regarding verbal actions, saying: |
‘evarūpaṃ vacīkammaṃ sevitabbaṃ, evarūpaṃ vacīkammaṃ na sevitabban’ti … pe … manokammasmiṃ: |
‘This kind of verbal action should be cultivated. This kind of verbal action should not be cultivated.’ … And regarding mental actions: |
‘evarūpaṃ manokammaṃ sevitabbaṃ, evarūpaṃ manokammaṃ na sevitabban’ti. |
‘This kind of mental action should be cultivated. This kind of mental action should not be cultivated.’ |
Sa kho so, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā kāyakammasmiṃ, dhammikaṃ rakkhāvaraṇaguttiṃ saṃvidahitvā vacīkammasmiṃ, dhammikaṃ rakkhāvaraṇaguttiṃ saṃvidahitvā manokammasmiṃ, dhammeneva anuttaraṃ dhammacakkaṃ pavatteti. |
And when a Realized One, a perfected one, a fully awakened Buddha has provided just protection and security regarding actions of body, speech, and mind, he rolls forth the supreme Wheel of Dhamma. |
Taṃ hoti cakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmin”ti. |
And that wheel cannot be rolled back by any ascetic or brahmin or god or Māra or Brahmā or by anyone in the world.” |
15. Sacetanasutta |
15. Pacetana |
Ekaṃ samayaṃ bhagavā bārāṇasiyaṃ viharati isipatane migadāye. |
At one time the Buddha was staying near Benares, in the deer park at Isipatana. |
Tatra kho bhagavā bhikkhū āmantesi: |
There the Buddha addressed the monks: |
“bhikkhavo”ti. |
“monks!” |
“Bhadante”ti te bhikkhū bhagavato paccassosuṃ. |
“Venerable sir,” they replied. |
Bhagavā etadavoca: |
The Buddha said this: |
“Bhūtapubbaṃ, bhikkhave, rājā ahosi sacetano nāma. |
“Once upon a time there was a king named Pacetana. |
Atha kho, bhikkhave, rājā sacetano rathakāraṃ āmantesi: |
Then King Pacetana addressed his chariot-maker: |
‘ito me, samma rathakāra, channaṃ māsānaṃ accayena saṅgāmo bhavissati. |
‘In six month’s time, my good chariot-maker, there will be a battle. |
Sakkhissasi me, samma rathakāra, navaṃ cakkayugaṃ kātun’ti? |
Are you able to make me a new pair of wheels?’ |
‘Sakkomi, devā’ti kho, bhikkhave, rathakāro rañño sacetanassa paccassosi. |
‘I can, Your Majesty,’ replied the chariot-maker. |
Atha kho, bhikkhave, rathakāro chahi māsehi chārattūnehi ekaṃ cakkaṃ niṭṭhāpesi. |
Then, when it was six days less than six months later, the chariot-maker had finished one wheel. |
Atha kho, bhikkhave, rājā sacetano rathakāraṃ āmantesi: |
Then King Pacetana addressed his chariot-maker: |
‘ito me, samma rathakāra, channaṃ divasānaṃ accayena saṅgāmo bhavissati, niṭṭhitaṃ navaṃ cakkayugan’ti? |
‘In six day’s time there will be a battle. Is my new pair of wheels finished?’ |
‘Imehi kho, deva, chahi māsehi chārattūnehi ekaṃ cakkaṃ niṭṭhitan’ti. |
‘Now that it is six days less than six months, Your Majesty, I have finished one wheel.’ |
‘Sakkhissasi pana me, samma rathakāra, imehi chahi divasehi dutiyaṃ cakkaṃ niṭṭhāpetun’ti? |
‘Are you able to finish the second wheel in these six days?’ |
‘Sakkomi, devā’ti kho, bhikkhave, rathakāro chahi divasehi dutiyaṃ cakkaṃ niṭṭhāpetvā navaṃ cakkayugaṃ ādāya yena rājā sacetano tenupasaṅkami; upasaṅkamitvā rājānaṃ sacetanaṃ etadavoca: |
Saying, ‘I can, Your Majesty,’ the chariot-maker finished the second wheel in six days. Taking the pair of wheels he went up to King Pacetana, and said this to the king: |
‘idaṃ te, deva, navaṃ cakkayugaṃ niṭṭhitan’ti. |
‘Your Majesty, these are your two new wheels, finished.’ |
‘Yañca te idaṃ, samma rathakāra, cakkaṃ chahi māsehi niṭṭhitaṃ chārattūnehi yañca te idaṃ cakkaṃ chahi divasehi niṭṭhitaṃ, imesaṃ kiṃ nānākaraṇaṃ? |
‘But, my good chariot-maker, what is the difference between the wheel that was finished in six days less than six months, and the wheel finished in just six days? |
Nesāhaṃ kiñci nānākaraṇaṃ passāmī’ti. |
Because I can’t see any difference between them.’ |
‘Atthesaṃ, deva, nānākaraṇaṃ. |
‘But, Your Majesty, there is a difference. |
Passatu devo nānākaraṇan’ti. |
See now what it is.’ |
Atha kho, bhikkhave, rathakāro yaṃ taṃ cakkaṃ chahi divasehi niṭṭhitaṃ taṃ pavattesi. |
Then the chariot-maker rolled forth the wheel that had been finished in six days. |
Taṃ pavattitaṃ samānaṃ yāvatikā abhisaṅkhārassa gati tāvatikaṃ gantvā ciṅgulāyitvā bhūmiyaṃ papati. |
It rolled as far as the original impetus took it, then wobbled and fell down. |
Yaṃ pana taṃ cakkaṃ chahi māsehi niṭṭhitaṃ chārattūnehi taṃ pavattesi. |
Then he rolled forth the wheel that had been finished in six days less than six months. |
Taṃ pavattitaṃ samānaṃ yāvatikā abhisaṅkhārassa gati tāvatikaṃ gantvā akkhāhataṃ maññe aṭṭhāsi. |
It rolled as far as the original impetus took it, then stood still as if fixed to an axle. |
‘Ko nu kho, samma rathakāra, hetu ko paccayo yamidaṃ cakkaṃ chahi divasehi niṭṭhitaṃ taṃ pavattitaṃ samānaṃ yāvatikā abhisaṅkhārassa gati tāvatikaṃ gantvā ciṅgulāyitvā bhūmiyaṃ papati? |
‘But what is the cause, my good chariot-maker, what is the reason why the wheel that was finished in six days wobbled and fell, |
Ko pana, samma rathakāra, hetu ko paccayo yamidaṃ cakkaṃ chahi māsehi niṭṭhitaṃ chārattūnehi taṃ pavattitaṃ samānaṃ yāvatikā abhisaṅkhārassa gati tāvatikaṃ gantvā akkhāhataṃ maññe aṭṭhāsī’ti? |
while the one that was finished in six days less than six months stood still as if fixed to an axle?’ |
‘Yamidaṃ, deva, cakkaṃ chahi divasehi niṭṭhitaṃ tassa nemipi savaṅkā sadosā sakasāvā, arāpi savaṅkā sadosā sakasāvā, nābhipi savaṅkā sadosā sakasāvā. |
‘The wheel that was finished in six days, Your Majesty, is crooked, flawed, and defective in rim, spoke, and hub. |
Taṃ nemiyāpi savaṅkattā sadosattā sakasāvattā, arānampi savaṅkattā sadosattā sakasāvattā, nābhiyāpi savaṅkattā sadosattā sakasāvattā pavattitaṃ samānaṃ yāvatikā abhisaṅkhārassa gati tāvatikaṃ gantvā ciṅgulāyitvā bhūmiyaṃ papati. |
That’s why it wobbled and fell. |
Yaṃ pana taṃ, deva, cakkaṃ chahi māsehi niṭṭhitaṃ chārattūnehi tassa nemipi avaṅkā adosā akasāvā, arāpi avaṅkā adosā akasāvā, nābhipi avaṅkā adosā akasāvā. |
The wheel that was finished in six days less than six months, Your Majesty, is not crooked, flawed, and defective in rim, spoke, and hub. |
Taṃ nemiyāpi avaṅkattā adosattā akasāvattā, arānampi avaṅkattā adosattā akasāvattā, nābhiyāpi avaṅkattā adosattā akasāvattā pavattitaṃ samānaṃ yāvatikā abhisaṅkhārassa gati tāvatikaṃ gantvā akkhāhataṃ maññe aṭṭhāsī’ti. |
That’s why it stood still as if fixed to an axle.’ |
Siyā kho pana, bhikkhave, tumhākaṃ evamassa: |
Now, monks, you might think: |
‘añño nūna tena samayena so rathakāro ahosī’ti. |
‘Surely that chariot-maker must have been someone else at that time?’ |
Na kho panetaṃ, bhikkhave, evaṃ daṭṭhabbaṃ. |
But you should not see it like that. |
Ahaṃ tena samayena so rathakāro ahosiṃ. |
I myself was the chariot-maker at that time. |
Tadāhaṃ, bhikkhave, kusalo dāruvaṅkānaṃ dārudosānaṃ dārukasāvānaṃ. |
Then I was an expert in the crooks, flaws, and defects of wood. |
Etarahi kho panāhaṃ, bhikkhave, arahaṃ sammāsambuddho kusalo kāyavaṅkānaṃ kāyadosānaṃ kāyakasāvānaṃ, kusalo vacīvaṅkānaṃ vacīdosānaṃ vacīkasāvānaṃ, kusalo manovaṅkānaṃ manodosānaṃ manokasāvānaṃ. |
Now that I am a perfected one, a fully awakened Buddha, I am an expert in the crooks, flaws, and defects of actions by body, speech, and mind. |
Yassa kassaci, bhikkhave, bhikkhussa vā bhikkhuniyā vā kāyavaṅko appahīno kāyadoso kāyakasāvo, vacīvaṅko appahīno vacīdoso vacīkasāvo, manovaṅko appahīno manodoso manokasāvo, evaṃ papatitā te, bhikkhave, imasmā dhammavinayā, seyyathāpi taṃ cakkaṃ chahi divasehi niṭṭhitaṃ. |
Whatever monk or nun has not given up the crooks, flaws, and defects of body, speech, and mind has fallen from the teaching and training, just like the wheel that was finished in six days. |
Yassa kassaci, bhikkhave, bhikkhussa vā bhikkhuniyā vā kāyavaṅko pahīno kāyadoso kāyakasāvo, vacīvaṅko pahīno vacīdoso vacīkasāvo, manovaṅko pahīno manodoso manokasāvo, evaṃ patiṭṭhitā te, bhikkhave, imasmiṃ dhammavinaye, seyyathāpi taṃ cakkaṃ chahi māsehi niṭṭhitaṃ chārattūnehi. |
Whatever monk or nun has given up the crooks, flaws, and defects of body, speech, and mind is established in the teaching and training, just like the wheel that was finished in six days less than six months. |
Tasmātiha, bhikkhave, evaṃ sikkhitabbaṃ: |
So you should train like this: |
‘kāyavaṅkaṃ pajahissāma kāyadosaṃ kāyakasāvaṃ, vacīvaṅkaṃ pajahissāma vacīdosaṃ vacīkasāvaṃ, manovaṅkaṃ pajahissāma manodosaṃ manokasāvan’ti. |
‘We will give up the crooks, flaws, and defects of body, speech, and mind.’ |
Evañhi vo, bhikkhave, sikkhitabban”ti. |
That’s how you should train.” |
16. Apaṇṇakasutta |
16. Guaranteed |
“Tīhi, bhikkhave, dhammehi samannāgato bhikkhu apaṇṇakapaṭipadaṃ paṭipanno hoti, yoni cassa āraddhā hoti āsavānaṃ khayāya. |
“monks, when a monk has three things their practice is guaranteed, and they have laid the groundwork for ending the defilements. |
Katamehi tīhi? |
What three? |
Idha, bhikkhave, bhikkhu indriyesu guttadvāro hoti, bhojane mattaññū hoti, jāgariyaṃ anuyutto hoti. |
It’s when a monk guards the sense doors, eats in moderation, and is dedicated to wakefulness. |
Kathañca, bhikkhave, bhikkhu indriyesu guttadvāro hoti? |
And how does a monk guard the sense doors? |
Idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī. |
When a monk sees a sight with their eyes, they don’t get caught up in the features and details. |
Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. |
If the faculty of sight was left unrestrained, bad unskillful qualities of desire and aversion would become overwhelming. For this reason, they practice restraint, protecting the faculty of sight, and achieving its restraint. |
Sotena saddaṃ sutvā … |
When they hear a sound with their ears … |
ghānena gandhaṃ ghāyitvā … |
When they smell an odor with their nose … |
jivhāya rasaṃ sāyitvā … |
When they taste a flavor with their tongue … |
kāyena phoṭṭhabbaṃ phusitvā … |
When they feel a touch with their body … |
manasā dhammaṃ viññāya na nimittaggāhī hoti nānubyañjanaggāhī. |
When they know a thought with their mind, they don’t get caught up in the features and details. |
Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. |
If the faculty of mind were left unrestrained, bad unskillful qualities of desire and aversion would become overwhelming. For this reason, they practice restraint, protecting the faculty of mind, and achieving its restraint. |
Evaṃ kho, bhikkhave, bhikkhu indriyesu guttadvāro hoti. |
That’s how a monk guards the sense doors. |
Kathañca, bhikkhave, bhikkhu bhojane mattaññū hoti? |
And how does a monk eat in moderation? |
Idha, bhikkhave, bhikkhu paṭisaṅkhā yoniso āhāraṃ āhāreti: |
It’s when a monk reflects properly on the food that they eat. |
‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya, iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’ti. |
‘Not for fun, indulgence, adornment, or decoration, but only to continue and sustain this body, avoid harm, and support spiritual practice. So that I will put an end to old discomfort and not give rise to new discomfort, and so that I will keep on living blamelessly and at ease.’ |
Evaṃ kho, bhikkhave, bhikkhu bhojane mattaññū hoti. |
That’s how a monk eats in moderation. |
Kathañca, bhikkhave, bhikkhu jāgariyaṃ anuyutto hoti? |
And how is a monk dedicated to wakefulness? |
Idha, bhikkhave, bhikkhu divasaṃ caṅkamena nisajjāya āvaraṇīyehi dhammehi cittaṃ parisodheti, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti, rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasi karitvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheti. |
It’s when a monk practices walking and sitting meditation by day, purifying their mind from obstacles. In the evening, they continue to practice walking and sitting meditation. In the middle of the night, they lie down in the lion’s posture—on the right side, placing one foot on top of the other—rememberful and aware, and focused on the time of getting up. In the last part of the night, they get up and continue to practice walking and sitting meditation, purifying their mind from obstacles. |
Evaṃ kho, bhikkhave, bhikkhu jāgariyaṃ anuyutto hoti. |
This is how a monk is dedicated to wakefulness. |
Imehi kho, bhikkhave, tīhi dhammehi samannāgato bhikkhu apaṇṇakapaṭipadaṃ paṭipanno hoti, yoni cassa āraddhā hoti āsavānaṃ khayāyā”ti. |
When a monk has these three things their practice is guaranteed, and they have laid the groundwork for ending the defilements.” |
17. Attabyābādhasutta |
17. Hurting Yourself |
“Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. |
“These three things, monks, lead to hurting yourself, hurting others, and hurting both. |
Katame tayo? |
What three? |
Kāyaduccaritaṃ, vacīduccaritaṃ, manoduccaritaṃ. |
Bad conduct by way of body, speech, and mind. |
Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. |
These are three things that lead to hurting yourself, hurting others, and hurting both. |
Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. |
These three things, monks, don’t lead to hurting yourself, hurting others, or hurting both. |
Katame tayo? |
What three? |
Kāyasucaritaṃ, vacīsucaritaṃ, manosucaritaṃ. |
Good conduct by way of body, speech, and mind. |
Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī”ti. |
These are three things that don’t lead to hurting yourself, hurting others, or hurting both.” |
18. Devalokasutta |
18. The Realm of the Gods |
“Sace vo, bhikkhave, aññatitthiyā paribbājakā evaṃ puccheyyuṃ: |
“monks, if wanderers who follow another path were to ask you: |
‘devalokūpapattiyā, āvuso, samaṇe gotame brahmacariyaṃ vussathā’ti? |
‘Reverend, do you live the spiritual life with the ascetic Gotama so that you can be reborn in the realm of the gods?’ |
Nanu tumhe, bhikkhave, evaṃ puṭṭhā aṭṭīyeyyātha harāyeyyātha jiguccheyyāthā”ti? |
Being questioned like this, wouldn’t you be horrified, repelled, and disgusted?” |
“Evaṃ, bhante”. |
“Yes, sir.” |
“Iti kira tumhe, bhikkhave, dibbena āyunā aṭṭīyatha harāyatha jigucchatha, dibbena vaṇṇena dibbena sukhena dibbena yasena dibbenādhipateyyena aṭṭīyatha harāyatha jigucchatha; |
“So it seems that you are horrified, repelled, and disgusted by divine lifespan, beauty, happiness, fame, and power. |
pageva kho pana, bhikkhave, tumhehi kāyaduccaritena aṭṭīyitabbaṃ harāyitabbaṃ jigucchitabbaṃ, vacīduccaritena … manoduccaritena aṭṭīyitabbaṃ harāyitabbaṃ jigucchitabban”ti. |
How much more then should you be horrified, embarrassed, and disgusted by bad conduct by way of body, speech, and mind.” |
19. Paṭhamapāpaṇikasutta |
19. A Shopkeeper (1st) |
“Tīhi, bhikkhave, aṅgehi samannāgato pāpaṇiko abhabbo anadhigataṃ vā bhogaṃ adhigantuṃ, adhigataṃ vā bhogaṃ phātiṃ kātuṃ. |
“monks, a shopkeeper who has three factors is unable to acquire more wealth or to increase the wealth they’ve already acquired. |
Katamehi tīhi? |
What three? |
Idha, bhikkhave, pāpaṇiko pubbaṇhasamayaṃ na sakkaccaṃ kammantaṃ adhiṭṭhāti, majjhanhikasamayaṃ na sakkaccaṃ kammantaṃ adhiṭṭhāti, sāyanhasamayaṃ na sakkaccaṃ kammantaṃ adhiṭṭhāti. |
It’s when a shopkeeper doesn’t carefully apply themselves to their work in the morning, at midday, and in the afternoon. |
Imehi kho, bhikkhave, tīhi aṅgehi samannāgato pāpaṇiko abhabbo anadhigataṃ vā bhogaṃ adhigantuṃ, adhigataṃ vā bhogaṃ phātiṃ kātuṃ. |
A shopkeeper who has these three factors is unable to acquire more wealth or to increase the wealth they’ve already acquired. |
Evamevaṃ kho, bhikkhave, tīhi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. |
In the same way, a monk who has three factors is unable to acquire more skillful qualities or to increase the skillful qualities they’ve already acquired. |
Katamehi tīhi? |
What three? |
Idha, bhikkhave, bhikkhu pubbaṇhasamayaṃ na sakkaccaṃ samādhinimittaṃ adhiṭṭhāti, majjhanhikasamayaṃ na sakkaccaṃ samādhinimittaṃ adhiṭṭhāti, sāyanhasamayaṃ na sakkaccaṃ samādhinimittaṃ adhiṭṭhāti. |
It’s when a monk doesn’t carefully apply themselves to a meditation subject as a basis of undistractible-lucidity in the morning, at midday, and in the afternoon. |
Imehi kho, bhikkhave, tīhi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. |
A monk who has these three factors is unable to acquire more skillful qualities or to increase the skillful qualities they’ve already acquired. |
Tīhi, bhikkhave, aṅgehi samannāgato pāpaṇiko bhabbo anadhigataṃ vā bhogaṃ adhigantuṃ, adhigataṃ vā bhogaṃ phātiṃ kātuṃ. |
A shopkeeper who has three factors is able to acquire more wealth or to increase the wealth they’ve already acquired. |
Katamehi tīhi? |
What three? |
Idha, bhikkhave, pāpaṇiko pubbaṇhasamayaṃ sakkaccaṃ kammantaṃ adhiṭṭhāti, majjhanhikasamayaṃ … pe … sāyanhasamayaṃ sakkaccaṃ kammantaṃ adhiṭṭhāti. |
It’s when a shopkeeper carefully applies themselves to their work in the morning, at midday, and in the afternoon. |
Imehi kho, bhikkhave, tīhi aṅgehi samannāgato pāpaṇiko bhabbo anadhigataṃ vā bhogaṃ adhigantuṃ, adhigataṃ vā bhogaṃ phātiṃ kātuṃ. |
A shopkeeper who has these three factors is able to acquire more wealth or to increase the wealth they’ve already acquired. |
Evamevaṃ kho, bhikkhave, tīhi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. |
In the same way, a monk who has three factors is able to acquire more skillful qualities or to increase the skillful qualities they’ve already acquired. |
Katamehi tīhi? |
What three? |
Idha, bhikkhave, bhikkhu pubbaṇhasamayaṃ sakkaccaṃ samādhinimittaṃ adhiṭṭhāti, majjhanhikasamayaṃ … pe … sāyanhasamayaṃ sakkaccaṃ samādhinimittaṃ adhiṭṭhāti. |
It’s when a monk carefully applies themselves to a meditation subject as a basis of undistractible-lucidity in the morning, at midday, and in the afternoon. |
Imehi kho, bhikkhave, tīhi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātun”ti. |
A monk who has these three factors is able to acquire more skillful qualities or to increase the skillful qualities they’ve already acquired.” |
20. Dutiyapāpaṇikasutta |
20. A Shopkeeper (2nd) |
“Tīhi, bhikkhave, aṅgehi samannāgato pāpaṇiko nacirasseva mahattaṃ vepullattaṃ pāpuṇāti bhogesu. |
“monks, a shopkeeper who has three factors soon acquires great and abundant wealth. |
Katamehi tīhi? |
What three? |
Idha, bhikkhave, pāpaṇiko cakkhumā ca hoti vidhuro ca nissayasampanno ca. |
It’s when a shopkeeper sees clearly, is responsible, and has supporters. |
Kathañca, bhikkhave, pāpaṇiko cakkhumā hoti? |
And how does a shopkeeper see clearly? |
Idha, bhikkhave, pāpaṇiko paṇiyaṃ jānāti: |
It’s when a shopkeeper knows of a product: |
‘idaṃ paṇiyaṃ evaṃ kītaṃ, evaṃ vikkayamānaṃ, ettakaṃ mūlaṃ bhavissati, ettako udayo’ti. |
‘This product is bought at this price and is selling at this price. With this much investment, it’ll bring this much profit.’ |
Evaṃ kho, bhikkhave, pāpaṇiko cakkhumā hoti. |
That’s how a shopkeeper sees clearly. |
Kathañca, bhikkhave, pāpaṇiko vidhuro hoti? |
And how is a shopkeeper responsible? |
Idha, bhikkhave, pāpaṇiko kusalo hoti paṇiyaṃ ketuñca vikketuñca. |
It’s when a shopkeeper is an expert in buying and selling products. |
Evaṃ kho, bhikkhave, pāpaṇiko vidhuro hoti. |
That’s how a shopkeeper is responsible. |
Kathañca, bhikkhave, pāpaṇiko nissayasampanno hoti? |
And how does a shopkeeper have supporters? |
Idha, bhikkhave, pāpaṇikaṃ ye te gahapatī vā gahapatiputtā vā aḍḍhā mahaddhanā mahābhogā te evaṃ jānanti: |
It’s when rich, affluent, and wealthy householders or householder’s children know of him: |
‘ayaṃ kho bhavaṃ pāpaṇiko cakkhumā vidhuro ca paṭibalo puttadārañca posetuṃ, amhākañca kālena kālaṃ anuppadātun’ti. |
‘This good shopkeeper keeps an eye out and is responsible. They are capable of providing for their wives and children, and paying us back from time to time.’ |
Te naṃ bhogehi nipatanti: |
They deposit money with the shopkeeper, saying: |
‘ito, samma pāpaṇika, bhoge karitvā puttadārañca posehi, amhākañca kālena kālaṃ anuppadehī’ti. |
‘With this, friend shopkeeper, earn money to raise your wives and children, and pay us back from time to time.’ |
Evaṃ kho, bhikkhave, pāpaṇiko nissayasampanno hoti. |
That’s how a shopkeeper has supporters. |
Imehi kho, bhikkhave, tīhi aṅgehi samannāgato pāpaṇiko nacirasseva mahattaṃ vepullattaṃ pāpuṇāti bhogesu. |
A shopkeeper who has these three factors soon acquires great and abundant wealth. |
Evamevaṃ kho, bhikkhave, tīhi dhammehi samannāgato bhikkhu nacirasseva mahattaṃ vepullattaṃ pāpuṇāti kusalesu dhammesu. |
In the same way, a monk who has three factors soon acquires great and abundant qualities. |
Katamehi tīhi? |
What three? |
Idha, bhikkhave, bhikkhu cakkhumā ca hoti vidhuro ca nissayasampanno ca. |
It’s when a monk sees clearly, is responsible, and has supporters. |
Kathañca, bhikkhave, bhikkhu cakkhumā hoti? |
And how does a monk see clearly? |
Idha, bhikkhave, bhikkhu ‘idaṃ dukkhan’ti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. |
It’s when a monk truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. |
Evaṃ kho, bhikkhave, bhikkhu cakkhumā hoti. |
That’s how a monk sees clearly. |
Kathañca, bhikkhave, bhikkhu vidhuro hoti? |
And how is a monk responsible? |
Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. |
It’s when a monk lives with energy roused up for giving up unskillful qualities and gaining skillful qualities. They are strong, staunchly vigorous, not slacking off when it comes to developing skillful qualities. |
Evaṃ kho, bhikkhave, bhikkhu vidhuro hoti. |
That’s how a monk is responsible. |
Kathañca, bhikkhave, bhikkhu nissayasampanno hoti? |
And how does a monk have supporters? |
Idha, bhikkhave, bhikkhu ye te bhikkhū bahussutā āgatāgamā dhammadharā vinayadharā mātikādharā te kālena kālaṃ upasaṅkamitvā paripucchati paripañhati: |
It’s when from time to time a monk goes up to those monks who are very learned—knowledgeable in the scriptures, who have memorized the teachings, the Vinaya, and the outlines—and asks them questions: |
‘idaṃ, bhante, kathaṃ, imassa ko attho’ti? |
‘Why, sir, does it say this? What does that mean?’ |
Tassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṃ paṭivinodenti. |
Those venerables clarify what is unclear, reveal what is obscure, and dispel doubt regarding the many doubtful matters. |
Evaṃ kho, bhikkhave, bhikkhu nissayasampanno hoti. |
That’s how a monk has supporters. |
Imehi kho, bhikkhave, tīhi dhammehi samannāgato bhikkhu nacirasseva mahattaṃ vepullattaṃ pāpuṇāti kusalesu dhammesū”ti. |
A monk who has these three factors soon acquires great and abundant qualities. |
Rathakāravaggo dutiyo. |
|
Paṭhamabhāṇavāro niṭṭhito. |
The first recitation section is finished. |